Mizoramin CS 16 a nei tawh

Ministry of Home Affairs chuan February 4, Thawhṭanni khan Mizoram chief secretary atan Lalnunmawia Chuau­ngo, IAS (Gujarat: 1987) a ruat thar a, ani nen hian Mizoram sorkarin chief secretary 16 a nei tawh.

Mizoram hian union territory a nih laiin chief secretary panga a nei a, state a nih hnuah chief secretary 11 a nei leh bawk. State nih hnuah Lalkhama chu ṭum hnih chief secretary a ni a, UT lai pawhin CS a ni hman. Chief Secretary 17 zingah hian panga chu hnam dang an ni a, a bak zawng chu Mizo an ni. Union territory nih laiin Mizoramin hnam dang chief secretary pali a nei a, state nih hnuah chuan CS aṭanga kal chhuakta Arvind Ray chiah hnam dang a awm thung.

Mizoram CS zingah hian Surendra Nath, IPS leh AH Scot, IFAS tih loh chu IAS vek an ni.