Chief Minister Zorama leh Mukhtar Abbas Naqvi inkâwm

Chief minister Zoram­thanga chuan, nimin khan Union Minority Affairs minister Mukhtar Abbas Naqvi chu New Delhi-a a chenna inah a kâwm a, Mizoram mamawh hrang hrang a sawipui.

CM chuan, sorkar laipui hma­­lakna pakhat, Prime Mi­nister's Jan Vikas Yojana (PMJVY) chuan Mizoram huam tel ve se a duh thu a thlen.

PMJVY hnuaiah hian hnam tlem zawk leh hnuaihnung zawkte tan ei leh bara an into­delhna tur leh nunphung changkang zawk an neihna turin zirna, hriselna leh eizawn thiamna (skill develop­ment) tihhmasawnte a tel a ni.

Mukhtar Abbas Naqvi chuan, CM Zoramthanga rawtna angin PMJVY hnuaiah Mizoram telh ngei ṭha a tih thu leh, Nagaland leh Meghalaya-te pawh huamtir ṭha a tih thu a sawi tih, sorkar thuchhuah chuan a tarlang.

Inkawmnaah hian Mizo­ram aṭanga central service exam tura inbuatsaih duhte tan coaching centre changtlung tak din leh coaching centre awm tawh saa Mizote an luh theih dan tur an sawi dun a; Mukhtar Abbas Naqvi chuan, rawtna mumal tak siama a hnena thehlut turin CM chu a hrilh.

CM Zoramthanga hi State Planning Board vice chairman H Rammawi leh Delhi Mizoram House-a resident commissioner-in an ṭawiawm a ni.