DVDMS chungchang inzirtir a ni

Health department leh National Health Mission (NHM) bultumin nimin khan Champhaia IPR conference hall-ah damdawi leh hri danna (vaccine) pek chhuah leh enkawl dan inzirtirna, 'Drugs and Vaccine Distribution Management System (DVDMS) Training' neih a ni.

Training-ah hian DVDMS state nodal officer Dr Mary Zohmingliani, DVDMS programme manager PC Laltlanzuala leh DEO Zoremmuana Khiangte ten kal khawmte an zirtir a ni.

DVDMS hi software platform niin, DVDMS felfai taka siam awmna a ni a; purchase order, inventory management, vaccine supply chain management leh damdawi sem chhuah dante a huam. Health programme hrang hrang hnuaia receipt, quality control, vaccine, damdawi leh damdawi-in kaihhnawih bungrua chi hrang hrang state chhunga pek chhuah dante a enkawl tel 

thei bawk.

DVDMS-in a tum ber chu, public health facility zawng zawngte’n an mamawh ang damdawi leh hmanrua an mamawh ang an tlakchham loh nan leh a hun takah an neih theih nan te, damlote mamawh ang damdawi leh hmanruate a hun taka hman theih tura a awm reng theihna tura hmalak a ni.

A thawh khatna atan DVDMS hi chief medical officer pisa, district hospital, community health centre leh primary health centre-ahte kalpui tum a ni a; Central Medical Store, Aizawl aṭanga damdawi leh thil dang district leh CHC/PHC-a sem chhuah leh damlo hnena sem leh chhàwnte vil zui a ni ang.