e-Visa neih dan tur sawiho

Minister of state TJ Lalnuntluanga chuan August 17, Inrinni khan an inah Champhai DC Dr Naveen Aggarwal leh district-a sorkar official dangte a kâwm a, e-visa chungchang a sawipui.

Sawihonaah hian, dan ang taka India leh Myanmar ramria inkalpawhna awlsam leh ṭha zawk mamawhtute'n internet kaltlanga visa (e-visa) an dil zung zung theihna tur sawiho a ni a; Minister thuràwn leh ngenna bawhzuiin DC Office ruahmannain thla hnih/khat vel chhungin Champhai DC pisa kaltlangin e-Visa District Facilitation Centre siam hman turin an rél. e-Visa District Facilitation Centre hian immigration centre leh integrated check post changtlung zawk siam kawngah kawngro a sut ngei beisei a nih thu an sawi.