MPC Serchhip Block ṭhiah a ni

Mizoram Peoples' Conference (MPC) party, Serchhip Block chuan nimin khan resolution siamin, MPC Serchhip Block chu ṭhiah a nih thu an puang.

MPC Serchhip Block chuan, Mizoramah ZPM chu ṭangrual ZPM ni tawh lo a, ZPM party anga a lo din tâkah chuan, kei ni Serchhip MPC party Block Committee chuan a bo a bâng awm loin ZPM party-ah inchhûn luh vek kan remti ta a ni. Vawiin 5.8.2019 aṭang hian Serchhip MPC Party Block Committee chu ṭhiah a ni ta tih kan puang a ni e," an ti.

An resolution chuan, Serchhip bialtu MLA Lalduhoma chu duh taka an thlan tlin a nih avangin an thlâwp tlat tih an puang nghal bawk. An reso­lution-ah hian president PC Zorammuana leh secretary Lalremruata ten hming an ziak a ni.