Pre-Test of Census 2021 kalpui a ni dawn
Directorate of Census Operations, Mizoram chuan nimin khan Planning & Programme Implementation department conference hall-ah kum 2021 chhiarpui (Census 2021) neih tura buatsaihna atan a tihchhinna, Pre-Test of Census 2021 an buatsaih a, Aizawl additional DC John LT Sanga'n a hmanpui.
Pre-Test of Census 2021 hi kumin August 12 aṭanga October 30 chhungin India ram pumah kalpui tur a ni a, House Listing Operations leh National Population Register-a ziah luh hna chu August 12 aṭanga September 3 chhungin a neih tur a ni. Population enumeration chu September 10-29 chhungin neih tur a ni a, September 30-ah ennawn leh a ni ang.
Pre-Test of Census 2021 atan hian Aizawl Municipal Corporation hnuaia local council 73 leh Phullen RD block thlan a ni a, enumerator 10 leh supervisor pahnih ve vein an kalpui dawn a ni.