B.Ed. Special Education zirturte lalut

Kum 2019-20 session-a Bachelor of Education (B.Ed.) Special Education zir turte lak luhna hun nimin khan SCERT hmunah hman a ni a, SCERT director Laldawngliani Chawngthu-in a hmanpui. B.Ed. Special Education-ah hian 2019-20 session atan mit ṭha lo (visual impairment) leh beng ṭha lo (hearing impairment)-ah seat 30 ve ve awmin, hnawhkhah vek a ni. B.Ed. Special Education hmasa ber 2018-19-ah visual impairment-ah mi 30 leh hearing impairment-ah mi 29-te an awm a, ṭha takin first year an pass a ni. SCERT hnuaiah rualbanlo enkawlna Special Education Cell kum 1995-ah din a ni.