Tripura-in healthcare scheme thar siam dawn

Tripura chief minister Biplab Kumar Deb chuan sorkar laipui sponsor healthcare scheme, Ayushman Bharat zulzuiin healthcare scheme thar siam a ni dawn tih Nilaini khan a sawi. 

Chanchinbu mite a kawmnaah, CM Deb chuan an scheme thar siam tur, Ayushman Tripura tih chuan state chhung mi nuai 3.5 vel a huam thei dawn tih a sawi. He scheme chhawr theitu turte card siamsakna turin sorkar chuan cheng vaibelchhe 9 vel a seng dawn tih a sawi bawk. 

"Mi rethei leh harsa zawkte chuan Ayushman Bharat emaw, Ayushman Tripura emaw hi an chhawr thei dawn a ni. Hman thuai a ni dawn a, he scheme hmang theite chuan damdawi-ina inekawl man sum pek an ngai dawn lo a ni, " a ti. 

CM chuan miretheiten tan health service man chu a tlawm hle dawn tih sawiin, an kaihhruai sorkar chuan Antodaya Annapurna Yojana (AAY) leh tariff rate chu Priority Group tan 35% in a tihniam tih a sawi. Hemi rual hian Above Poverty Level tan erawh tariff hi tihsan a ni thung. 

Tripur-ah hian AAY chhungkua nuai 1.08 an awm a, Priority Group Household nuai 4.70 leh APL chhungkua nuai 12 an awm.