Champhai Ṭhalai Pawlin lawmthu sawi

Champhai Ṭhalai Pawl (CṬP) chuan thuchhuah siamin, National Highway no. 6 (Seling-Zokhawthar) kawng laih hna chak taka thawh mek a ni leh kawng pawh a theih dan ang anga pawh tâwi a nih dawn avangin Mizoram sorkar chungah an lawm thu an tarlang.

CṬP chuan, kawng pawh tâwi turah khaw pakhatin an khua a tlawh dawn lo a, kawng tithui tur zawng leh an khaw paltlangtir tuma hma an la chu pawi an tih thu tarlangin, "NH-6 hi Champhai khawpui chhungah lut loin, khaw dáiah zál nuam takin a kal a, khaw chhung lut tluka Champhai mipui pawhin kan ngaih laia hetianga harsatna siam zawnga khaw pakhatin hma an la hi thil an ngaihtuah chian loh vangah kan ngai," an ti.

NH-in a paltlang chuan an beisei loh lam aṭangin harsatna lian tak an tâwk dawn a ni tih kawng pawhsei duhtute'n hria se an duh thu sawiin CṬP chuan, "Ram dang leh hmun dangah pawh an khaw dáiah an kaltir hram hram laia mahni chhungkaw nunna pawh ngaituah loa 'Mahni kawt kaiah ngei' tih rilru an pu tlat hi pawi kan ti a, ngaihtuahna séng nawn leh turin kan duh tak zet a ni," an ti a; Mizoram sorkar chu ruahmanna a siam tawh kaltlangpui turin an 

ngen bawk.