Cong-in musical chair-ah AMC an chhuah - Ruatkima

Minister of state leh MNF-a adviser Lalruatkima inah nimin khan AMC Campaign Committee-te'n AMC ward no. XIII campaign hawnna an buatsaih a; Lalruatkima chuan, "AMC Aizawl Musical Chair-a chhuahtu Congress party hi mipuiin an thlan tlin ka ring lo," a ti.

Lalruatkima chuan, AMC inthlanah Congress party chu an tlin a rin loh thu sawiin, "Aizawl biala MLA pakhat pawh nei lo hian sorkarna an siam ka ring lo," a ti a; Congress party chuan vice president an neih loh rei tawh thu a sawi.

ZPM party-in inthlan apiangin an symbol an thlak nia sawiin Lalruatkima chuan, "An nihna tak hriat a har hle. Anmahni leh anmahni inkarah ngêt lian tak a awm a, an kher chhuak thei lo, an buai hle a ni," a ti a; "Sorkar nghet leh langtlang, hmasawnna nasa tak thlen tur Aizawlin kan duh hi anni pahnih hian min pe lo ang," a ti bawk.