B Sangkhumi tan Padma Shri

Higher & Techni-cal Education depart-ment-a director hlui leh MHIP General Headquarters-a presi-dent hlui B Sangkhumi, Chaltlang chu India rama civil mite chawimawina sang Padma Shri dawng tura thlan a ni.

B Sangkhumi'n Padma Shri a dawn chhan chu khawtlang leh vantlang tana a hnathawhte (social work) vang a ni a; a hoa an enkawl Jeriko Khualbûk hmanga hmeichhia ruihhlo ngaite leh humsual daite chhanchhuah leh chhawmdawl kawnga a hmalakna te, MHIP hruaitu a nih laia Mizo customary law siamṭhatna tura a thawh ṭhat vangte leh vantlang tana kawng hrang hranga a thawhna avangtea dawng a ni.

India rama chawimawina sang Padma Award chi hrang hrang dawng turin mi 119 thlan a ni a; award sang ber Padma Vibhushan dawng turin mi pasarih, Padma Bhushan dawng turin mi 10 leh Padam Shri dawng turin mi 102 thlan a ni.