Minister-in kawng siam a enfiah

Siaha bialtu MLA Dr K Beichhua, minister of state chuan nimin khan Tlahpi by-pass road leh Chhaolo leh Beino (Chhimtuipui) lui inkar kawng, economic link road sial tur a hmunah tlawhin a enfiah.

Siahatla-Noaotla panna kawnga Tlahpi by-pass road chu kum 2016-ah MGNREGA inhlawhna aṭang leh MADC sum pawh khawm hmangin bul ṭan tawh a ni a, cheng nuai 240 sên a ni tawh. BADP 2019-20 additional fund aṭanga chhunzawm turin ruahman a ni a, cheng nuai 250 ruahman niin, km. 11 vela thui a ni.

Chhaolo-Beino economic link road sial tur chu BADP sum hmanga thawh tur a ni a, a bul ṭan nan cheng nuai 50 ruahman a ni. Kawng chu NEC aṭanga Lobo-Tluangram-Halkha kawng sial tur pawh thla tura ruahman a ni a, km. 8 vela thui a ni.