Sorkar ram chungchang sawiho

Additional chief secretary JC Ramthanga hoin nimin khan sorkar department hrang hrang ram neihte enkawl leh hman zui dan tur ruahmanna, 'The Mizoram Government Land Pooling and Management Scheme' sawiho a ni a; GAD, Revenue, School Education leh Law & Judicial department hotute an tel.

Meeting chuan, The Mizoram Government Land Pooling and Management Scheme-in a phûtte leh department hrang hrangte ram neih dinhmun an thlir a; sorkara sum chhùn luh khawih tel thei thilte a nih avangin uluk taka ngaihtuah pawimawh an ti a, harsatna awm thei turte leh hmalak theihna turte an sawiho a ni.