ZPM-in campaign khuhhawnna buatsaih

ZPM chuan nimin khan Aizawl khawpui hmun hrang hrangah Aizawl Municipal Corporation (AMC) inthlan lo awm tur atana campaign khuhhawnna an buatsaih a, an hruaitute'n an hmanpui.

Ward No. VIII atana campaign khuhhawnna Chite Venga buatsaih hmanpuitu ZPM leader Lalduhoma chuan AMC-ah sorkarna an chang a nih chuan bawlhhlawh leh hnawmhnawk paih dan turah mipuite tana awlsam zawk an ngaihtuah hmasa dawn tih sawiin, "AMC ward fund te hi implementing agency mumal a awm lo fo a,  kum khat chhunga an sum hman dan report annual financial statement neih ngei ngei tur pawh mumal taka kalpui a ni lo. Sorkarna kan siam a nih chuan lang tlang takin kan kalpui dawn a ni,” a ti.

Lalduhoma chuan AMC inthlana vote thlak rualin kum 2023 inthlanpui an vote kep dawn a ni tih hria a, an party candidate-te vote vek turin mipuite a ngen.