Deputy CM-in lungphùm a phúm

Deputy chief minister Tawnluia chuan nimin khan Chaltlangah Public Multipurpose Utility Centre sakna tur lung­phùm a phúm.

Tawnluia chuan, Pub­lic Multipurpose Centre chu veng chhung mipui chauh ni lo, veng dang mite pawhin an chhawr ṭangkai theih a beisei thu a sawi a; a satu tur contractor chu an hna uluk tura a chah bakah, hnathawhte ngun taka vilpui turin Chal­tlang khawtlang hruaitute a ngen.

Deputy CM sawi danin, Chaltlangah hian Smart City hnuaiah cheng nuai 1500 sènna tur Multipurpose Hall bakah, cheng nuai 1750 sengin Tourist Lodge sak tum a ni.

Public Utility Centre hi state fund hmanga sak tura ruahman a ni a, Mizoram sorkar aṭangin October 5, 2018 khan administrative approval cheng nuai 481 leh expenditure sanction cheng nuai 250 hmuh a ni. August 30, 2019-ah expenditure sanction cheng nuai 231 hmuh leh a ni bawk. Biakliana & Sons-in an sa dawn a ni.