COVID-19: Mizoram dinhmun Hripui vei mi 12 hmuh belh a ni

January 20, Nilaini khan Mizoramah Covid-19 vei mi 12 hmuh chhuah belh a ni a, an zingah natna (symptom) lang chhuak mi pahnih leh Mizoram chhunga kái mi pali an awm. Nimin khan hripui laka fihlîm tawh mi paruk chhuahtir an ni thung.

Covid-19 vei Nilainia hmuh chhuahte chu mipa pasarih leh hmeichhia panga an ni a; ZMC laboratory-a hmuh mi pasarih, TrueNAT-PCR hmanga hmuh mi pahnih leh Rapid Antigen Test (RAT) hmanga hmuh mi pathum an ni.

Covid-19 laka fihlîm tawh mi paruk chu nimin khan chhuahtir an ni a; SRH-ZMC aṭangin mi pakhat, Zokhawsang CCC aṭangin pahnih, CCC dang - Lengpui, Lunglei Sazaikawn leh Saitual aṭangin mi pakhat ṭheuh an chhuak a ni.

Mizorama Covid-19 vei hmuh chhuah tawh chu mi 4,346 an ni a, mipa 3,182 leh hmeichhia 1,164 an ni. Nimin tlai dar 5 thleng khan mi 4,274 (98.34%) chhuahtir an ni tawh a, mi pakua (0.21%) thi tawhin, enkawl mek mi 63 (1.45%) an awm.

January 20, Nilaini khan Mizoramah swab sample 2,140 endik a ni a, ZMC laboratory-ah sample 589, TrueNAT-PCR hmangin district pariatah sample 188 leh RAT hmangin district 11-ah sample 1,363 endik a ni. Covid-19 positive hmuh chhuah mi 12 chu sample endik zat aṭangin 0.56% a ni.

Sorkar thuchhuah tarlan danin, Nilainia ZMC laboratory-a RT-PCR hmanga Covid-19 vei hmuh chhuah mi pasarihte chu mipa panga leh hmeichhia pahnih, puitling vek an ni a, Aizawla swab sample lâkte an ni. An vaiin tun hnaia state páwn aṭanga rawn lût vek an ni a, symptom nei an awm lo.

TrueNAT-PCR hmanga hripui vei hmuh chhuah mi pahnihte chu Mizo leh hnam dang pakhat ve ve niin, Serchhip District Hospital leh Kolasib District Hospital-a hmuh an ni a; tun hnaia state pâwn aṭanga rawn lut leh tualchhunga kái, symptom nei lo ve ve an ni.

RAT hmanga hmuh chhuah mi pathumte chu Aizawl, Champhai leh Lawngtlaia hmuh chhuahte niin, tualchhunga kái, hri an kàina hriat loh vek an ni a; an zinga pakhatin symptom a nei.

January 20, 2021 thlenga Mizorama swab sample endik tawh zat chu 1,97,675 a ni a, chu'ng aṭanga Covid-19 positive mi 4,346 chu 2.20% a ni. Hripui vei hmuh tawh zinga mi 2,053 chu Mizoram chhunga kái an ni a, mi 2,293 chu Mizoram páwn aṭanga an rawn luh hnua hmuh chhuah an ni.

Ramthar North - 2: Mipa kum 30 & 33; Karimganj aṭanga haw, home quarantine mek.

Zokhawsang - 1: Hmeichhia kum 30, Aligarh, Uttar Pradesh aṭanga rawn lut, Assam Rifles sipai nupui, Zokhawsang AR hmuna inkhung lai.

CRPF - 3: Mipa kum 30, 33 & 44; Lengpuia awm Central Reserve Police Force mi leh sa, tun hnaia Kolkata aṭanga rawn lut, quarantine facility-a awm mek.

Mizoram University - 1: Hmeichhia kum 30, MZU campus-a khawsa, West Bengal aṭanga rawn lut, quarantine facility-a awm lai.

Nisapui - 1: Hmeichhia kum 20, tualchhunga kái, kàina hriat a ni.

Tantia Constructions - 1: Mipa kum 19, Jharkhand aṭanga rawn lut, quarantine facility-a awm mek.

Zemabawk North - 1: Hmeichhia kum 28, private hospital-a nau nei tura kal, screening point-a hmuh chhuah, tualchhunga hri kái, kàina hriat loh, symptom nei lo.

Champhai Venglai - 1: Mipa kum 54, Champhai Hospital ICU-a enkawl ṭhin, inenkawl zui tura Aizawla private hospital pakhata kal, screening point-a hmuh chhuah; hri kaina hriat loh, symptom nei.

Lawngtlai Electric Veng - 1: Hmeichhia kum 17, zirlai, hostel luh dawn vanga sample endiktir, hri kàina hriat loh, symptom nei lo.