SEDP hi a thlawna sem tur a ni lo a; instalment-a sem tur pawh a ni lo - CM

Assembly session, chawlhkar liam taa neih zawh tâkah Plan­ning & Programme Implementation chang­tu chief minister Zoram­thanga chuan BJP member Dr BD Chakma zawhna ziaka chhángin, SEDP chu a thlawna mipui hnena sem tur a nih loh thu a tarlang.

SEDP hnuaia ṭanpuina dawng tur zat zawhna chhangin Chief Minister chuan, "Kumin chhunga SEDP hnuaia ṭanpuina dawng tur zat tak hriat theih a ni lo. SEDP hi instalment system-a sem tur a ni lo," a ti. CM Zoramthanga chuan, SEDP chu state budget leh central funding aṭanga hmuh tur a nih thu sawiin, central-ah SEDP kaihhnawiha sum hmuhna atan proposal (ruahmanna) thehluh a nih tawh thu a tarlang bawk.