Information commissioner atan C Zothankhuma lak luh a ni

Governor Gen. Dr Vijay Kumar Singh chuan nimin khan Lok Bhavan-ah C Zothankhuma, IDAS (Rtd) chu Mizoram State Information Commission (MSIC)-a information commissioner atan rinawmna thu tiamtirin a la lut.

Lak luhna inkhawmah hian chief minister Lalduhoma, PWD minister Vanlalhlana, Lok Sabha MP Richard Vanlalhmangaiha, minister of state Prof. Lalnilawma, adviser to chief minister Lalmuanpuia Punte leh mi pawimawh dangte an tel.

C Zothankhuma s/o C Chhuanvawra, Tuikhuahtlang, Aizawl hi Indian Defence Accounts Service (IDAS) a ni a; December 17, 1966-ah a piang a, thiamna lamah MA, LLB, BCS niin, kum 1991 khan IDAS a zawm.

Defence Accounts department hnuaia hna pawimawh tak tak thawkin India ram hmun hrang hrangah a awm kual a, kum 2013-2019 chhung khan Mizoram University (MZU) registrar a ni. Chumi hnuah Defence Accounts hnuaiah a thawk a chhunzawm leh a, September 30, 2026 khan Additional Controller General of Defence Accounts, CGDA, New Delhi hna a chelh laiin superannuation pension-in a chhuak a ni.