Weekly Farmers' Market kalpui ṭan

Mizoram Agricultural Marketing Board leh Mission Organic Mizoram (MOM) chuan Mission Organic Value Chain Development on NE Region hnuaia organic thei leh thlai chingtute pualin nimin khan MINECO-a Multi Level Car Parking chung zawlah 'Weekly Farmers' Market' an buatsaih ṭan. Weekly Farmers' Market hi chawlhkar tin Nilaini-ah neih a ni dawn.

Weekly Farmers' Market-ah hian MOM hnuaia farmer producer company (FPC)-te thlai thar chi hrang hrang zawrh a ni dawn a; nimin khan Future Foods enkawl FPC-te'n an thlai tharte an zuar. November 18 khian Clover Organic Pvt Ltd., Yashawati Bio-Multitechs enkawl FPC-te'n an thlai thar leh value added product te an zuar ve leh ang.

FPC-te hi organic certified ni tura kalpui mekte an ni a, Weekly Farmers' Market-a thlai leh thei value added product-te chu chemical leh pesticide laka fihlim vek niin, a rih zawng milin a man (rate) chhiar a ni.

Weekly Farners' Market-a thlai/thei hralhna aṭanga 7% chu FPC-ah service charge atan a lut a, a bak 93% chu thlai thartute'n an chang dawn a ni.