Thla 7 chhungin chhiah cheng vbc 861.46 hmu

Mizoram sorkara Taxation chuan sorkar kum kal mekah April-October, 2026 (thla 7) chhung khan kau hrang hrang aṭangin chhiah cheng vbc 861.46 an hmu a; kawng siamna leh enkawlna tura petrol leh diesel aṭanga chhiah lâkna Road Maintenance Cess aṭangin cheng vbc 36.56 an hmu.

Taxation chhinchhiah danin, April-October, 2026 chhung khan chhiah Rs 8,61,46,55,745 an hmu a; Goods and Services Tax (GST) aṭanga chhiah hmuh tam berin, Rs 5,76,47,12,826 hmuh a ni a, Sales Tax aṭanga hmuh Rs 2,03,44,26,422-in a dawt.

Road Maintenance Cess aṭangin thla sarih chhungin Rs 36,56,04,833 hmuh a ni a; Cess atana chhiah hmuh tam ber thla April 2026-ah khan Rs 12,51,46,232 hmuh niin, a tlem ber thla September 2026 khan Rs 72,92,344 hmuh a ni.

Petrol leh diesel aṭanga vantlang hmasawnna tur puala cess lakna, Social Infrastructure & Services Cess (SISC)-ah pawh Rs 36,56,04,833 hmuh a ni bawk.