Winter Festival neih dan tur sawiho

December 16-23, 2026 chhungin Lammualah Winter Festival buatsaih a ni dawn a, hun hman dan tur leh hmalak dan turte ngaihtuahin November 6, 2026 khan Secretariat conference hall-ah Tourism minister Lalnghinglova Hmar hoin Winter Festival 2026 Working Committee an ṭhukhawm.

Tourism Minister chuan, Winter Festival chu tualchhung mite leh khualzinte tan hun hlimawm a nih theih nan lungrual taka thawhho a ṭul thu a sawi a, "State páwn mi an lo kalin, kan nunphung leh kan tih dante a inan vek loh avangin inhriatthiam tawnna leh inzah tawnna kan neih tlan pawimawh a, tualchhung mite leh khualzinte hnenah 'responsible tourism' chungchang inzirtir a ṭul," a ti.

Winter Festival hi December 16-23, 2026 chhungin Lammualah buatsaih a ni dawn a; Tourism department hmachhawp hnaivai zingah - Phuaibuangah Tlaizawng Paradise, December 31 tlaiah Sakawrhmuituai Sunset, January 2, 2027-ah Darzo khuaah Chepa Nun te a tel.