Pawl parukin thisen an pe

November 7, Inrinni khan kohhran ṭhalai pawl parukin thisen unit 159 an pe. Civil Hospital, Aizawl tan KṬP, Electric Veng Bialin unit 73 pein, petute mipa 62 leh hmeichhia 11 an ni a; PYD (NEI) Zemabawk Bialin unit 17 pein, petute mipa 15 leh hmeichhia pahnih an ni a, ṬKP, Zotlang Unit-in unit 16 pein, petute mipa 14 leh hmeichhia pahnih an ni.

KṬP, Chawnpui Branch-in an din champha pualin Synod Hospital tan unit 32 an pe a, petute mipa 1 leh hmeichhia pakhat an ni. Lunglei Civil Hospital tan Adventist Youth Federation, Lunglei North-te'n unit 11 an pe a; Mizoram PYD, Siaha Bialin Siaha District Hospital-ah thisen unit 10 an pe bawk.

Lawngtlai DC Office leh Association for Voluntary Blood Donation (AVBD), Lawngtlai chuan November 6, 2026 khan DC Conference Hall-ah Mega Blood Donation Camp an huaihawt a; Lawngtlai District Hospital tan mipa 24 leh hmeichhia 16-te'n thisen unit 4 an pe. Lawngtlai district-a thisen pe tam pathum - Lalramfela (vawi 66), Lalramdinsanga Thihlum (vawi 63 pe) leh Elvis Lalthangzuala (vawi 61) te hnenah Bawrhsapin lawmpuina thuchei a hlan a ni.