MLA-te'n sangha chi thlahna hmunpui tur siam mek enfiah

Mizoram Legislative Assembly Subject Committee-I member-te chuan Thenzawl NEC Road-a Fisheries department-in PMMSY hnuaia sangha chi thlahna hmunpui (hatchery) leh a khawina hmun (brood bank) an siam mekte chu nimin khan an tlawh a, hmalak mekte an enfiah.

Subject Commit-tee-I hi chairman Lalmuanpuia Punte hoin an kal a, member zingah RM Chakma, K Laldawngliana, Dr Lorrain Lalpekliana Chinzah leh Jeje Lalpekhlua an tel a; Fisheries secretary Rothanga hoin department official dangte'n an lo dawngsawng.

Lalmuanpuia Punte chuan, hmalak mek dan enfiah tura kal an nih thu a sawi a, "Review meeting neiin, kan hmuh dante kan sawiho leh ang a, kan hmuh dan chu Assembly-ah kan thlen dawn a ni," a ti.

Fisheries department hotute chuan, hatchery leh brood bank siamna atan cheng nuai 400 sen a nih tawh thu leh an la puitlin loh thu sawiin, "Cheibâwl zuina leh a puitlin theih nan ruahmanna siam a ni a, hemi atan hian NABARD aṭangin cheng nuai 800 chuang hmuh kan beisei," an ti a, sanction a la chhuah loh thu an sawi.