Nupui thattu dam chhunga lung-ina táng tura hrem a ni

February 15, 2025 zana nupui thattu Lalsiamliana, Salem Veng, Aizawl chu dam chhung lung-ina táng tur leh Rs 50,000 chawi turin Additional District & Sessions Court, Aizawl chuan a hrem.

Court thutluknaa tarlan danin, Lalsiamliana hian February 15, 2025 zan khan a nupui Rebek Chanchinṭhathangi (41) d/o Vanlalchhuanga, Mualcheng South chu a lu-ah thingin a vua a ni. A tlûk hnuah a nghawngah hruia hlíngin, a hnûk a, an in aṭanga metre 100 vela hláah a thukru zui bawk.

Tualthahna thlen zan vêk hian Rebek Chanchin-ṭhathangi ruang chu a ú Khuamsiaka'n a hmu chhuak a, Kulikawn Police Station hriattir a ni. Kulikawn police-te'n an bawhzui nghal a, a tûk February 15, 2025-ah Lalsiamliana chu manin, thubuai an siamsak.

Police-te hnuchhuina aṭang leh thuhretute thusawi aṭangin Aizawla Additional District & Sessions judge Sylvie Zomuanpuii Ralte chuan Lalsiamliana chu thiam loh a chantir a, nimin khan hremna a puang.

Court chuan Lalsiam-liana chu dam chhunga táng tur leh Rs 50,000 chawi turin a hrem a; pawisa a chawi lo a nih chuan thla 5 dang tàn belh turin a ti bawk.