Revenue survey firm-te training

Land Revenue & Settlement department (LRS) chuan nimin khan ram teh chungchangah LRS department puitu atana thlan empanelled survey firm 17-te tan LRS Directorate-ah ni hnih awh tur orientation training an buatsaih ṭan a, vawiinah chhunzawm a ni ang.

Training-ah hian thupui hrang hrang - Survey Manual, Instruments and Methodology Used for Surveying, Revenue Act & Rules, e-ram portal chungchang leh Report Writing of Field Measurement Book tihte hmangin LRS officer-te'n empanelled firm-te an zirtir a ni.

LRS director Lalhmansanga chuan, "Firm thawk ṭha tak tak, mipui leh department tana zângkhaina nasa tak thlentu an awm laiin, firm thawk thei lo, Department leh mipui tana harsatna thlentu an awm. Firm thawk ṭha thei lote chu an license cancel thlenga hmalak a ni ang," a ti.