KHAWTHLIR

Thisen pe

Pachhunga University College NSS unit chuan nimin khan an campus-ah Civil Hospital, Aizawl tan thisen unit 186 an pe a, petute mipa 135 leh hmeichhia 51 an ni. Police Commemoration Day 2026 pualin Aizawl Traffic Police chuan nimin khan Aizawl Civil Hospital blood bank-ah thisen unit 7 an pe a; Mizoram Police, Siaha District Executive Force-a mite pawhin 'Ekta Diwas - Donate Blood, Unite Nation' tih thupui hmangin Siaha District Hospital blood bank-ah thisen unit 11 an pe bawk. Siaha District Hospital-in thisen a tlakchham lai taka police-te'n thisen an pe chu lawmawm an tih thu AVBD, Siaha Branch chuan an tarlang.

Orientation training

Land Revenue & Settlement department, Empanelment Board-in a thlan empanelled survey firm 17 tan nimin khan LRS Main Hall-ah orientation training buatsaih a ni a; license pek chhuah nghal a ni.