Family pension late endik mek; Mi 3 hnenah show cause notice pe

Serchhipa sorkar official-te chuan October 28, 2026 aṭang khan Serchhip district-a family pension la mek zingah dan loa la an awm leh awm loh an endik ṭan a; mi pathum hnenah show cause notice pek a ni tawh.

Family pension late endikna hi Serchhipa treasury officer Vanlalhmangaihi kaihhruaia neih a ni a, task force pahnih din niin, Audit & Accounts officer pahnih Laldinliana Sailo leh Samuel Ramdinmawia ten an ho. Serchhip khaw chhunga family pension la mi 161 an endik tawh aṭangin mi pathum chu show cause notice pein, insawifiah turin an hriattir a ni.

Serchhip khawpui chhungah family pension latu mi 223 an awm mek. Task force team pahnih hian Serchhip district-a khaw dangah pawh family pension late an endik chhunzawm zel dawn a ni.