Horticuture dept tirhin MJA member-te'n Meghalaya Horti. hmalakna an zir dawn

Horticuture department chuan October 26-20, 2026 chhungin Aizawl district-a MJA member-te tan Meghalaya-ah Exposure Tour an buatsaih a, nimin khan Horticulture directorate kawt aṭangin Horticulture director CH Lalmuanpuia'n a vai liam.

CH Lalmuanpuia chuan, Exposure Tour-a kalte chuan Meghalaya sorkarin an kut hnathawktute tana hma an laknate a hmunah tlawhin an zir dawn tih sawiin, "An tih dan ṭha leh kut hnathawktute tana hmasawnna tur awmte Mizoramah kalpui ve theih a ni em tih bakah, hmasawnna kan ngaihna laiah engtin ngen hma kan sawn ang tih zir turin Tour hi kan buatsaih a ni," a ti.

Horticulture Director chuan, tun hma aṭangin MJA nen thawh dunna ṭha tak an nei a, an depatrment hmalaknate mipuiin an hriat theih nan an puanzarsak ṭhin tih sawiin, lawmawm a tih thu a sawi a; Tour-a kalte chu hlâwk tak leh nuam taka hun hmang turin duhsakna a hlân.

Exposure Tour-a kal journalist-te hi Serchhipa Horticulture officer Peter Lalramhluna'n a ho a; vailiamnaah hian Horticulture additional director Lucy Zairthangpuii bakah, MJA president Vanlalrema Vantawl leh a thawhpuite an tel a ni.

HORTICULTURE EXPOSURE TOUR-A KALTE

1. Zohmingmawia, The Aizawl Post

2. Lalbiakzama, Entlang

3. F Lalrinfela, Zalen

4. T Lalbiakdika, Zawlbuk

5. Lalnunzira Chawngthu, DDK Aizawl

6. Lal Rinmawia, Vanglaini

7. Vanlalbiaka, Aizawl Observer

8. Lalchhanhima, LPS Vision

9. Caroline Lalrosangi, DDK, Aizawl

10. Zorinpuii Hlawndo, ZONET TV