Salvation Army-te'n General hoin Territorial Congress 2026 an hmang

Salvation Army India Eastern Territory inkhawmpui lian, Territorial Congress chu October 24-25 chhungin R Dengṭhuama Indoor Stadium-ah hman a ni a; khawvela SA hotu lu ber Gen. Lyndon Buckingham leh a nupui Commissioner Lyndon Buckingham, World President of Women’s Ministries (WPWM) ten an hmanpui.

Salvation Army IET Territorial Congress-ah hian october 24, Inrinni zan khan R Dengṭhuama Indoor Stadium-ah vantlang inkhawm ṭan a ni a, nimin nileng leh nizanah chhunzawm niin, nizan khan a ṭiak. Inkhawmpuiah hian General te nupain thuchah an sawi ṭhin a ni.

Gen. Lyndon Buckingham te nupa hian October 20, 2026 khan Aizawl an rawn thleng a; an cham chhungin SA India Eastern Territory-a salvationist-te nen Congress an hmangho. Salvation Army hmun pawimawh - Hangi Lunglen Tlanga Prayer Mountain-ah an ṭawngṭai bakah, Ṭhuampui Corps leh ITI Corps biak-in an hawng. ITI Corps-ah Men’s Fellowship Congress an hman bakah, Temple Corps-ah Women’s Congress an hmang bawk.

Salvation Army General te nupa hian vawiin hian Mizoram chhuahsanin Kolkata an pan dawn a ni.