Lehkhabu Pho Rûnpui 2026-ah Cheng nuai 16.63 man hralh a ni

Mizo Writers Association (MWA)-in October 16, 2026 aṭanga Vanapa Hall-a Lehkhabu Pho Rûnpui (LPR) vawi rukna a buatsaih chu October 24 zan khan a tàwp a, Rs 16,63,780 man lehkhabu hralh a ni.

LPR 2026 hi ni riat chhung hawn a ni a, hemi chhunga lehkhabu Rs 16,63,780 man an hralh chu MWA-in LPR an buatsaih tawha lehkhabu hralh ṭhat ber kum a ni. Nikuma LPR 2025-ah khan Rs 10,11,733 man lehkhabu hralh a ni a, lehkhabu hralhna sum hi nikum aiin kuminah Rs 6,52,047-in a tam zawk a, a tam zawkna hi 64.45% a tling.

LPR vawi 6-na chhunga lehkhabu hralh ṭhat ber ní chu a tawp ní October 24 kha niin, Rs 2,50,723 man hralh a ni a, hralh chhiat ber ní October 22 khan Rs 1,55,133 man hralh a ni thung.

MWA hnuaia Lehkhabu Pho Runpui-6 buaipuitu Organising Committee chuan LPR tlawhtute leh lehkhabu leitute zawng zawng chungah an lawm thu an tarlang.