Lehkhabu Pho Rûnpui neih mekah Rs 12,90,562 man hralh a ni tawh

Mizo Writers Association (MWA)-in Vanapa Hall-a Lehkhabu Pho Rûnpui (LPR) vawi rukna a buatsaih mekah nimin tlai dar 4 thleng khan Rs 12,90,562 man lehkhabu hralh a ni tawh. LPR hi vawiin tlaiah khar a ni ang.

LPR hi October 16, 2026 khan ṭan a ni a, ni sarih chhung, nimin tlai dar 4 thleng khan lehkhabu chi hrang hrang Rs 12,90,562 man hralh a ni tawh. LPR 2026 hi la zo lo mah se, nimin tlai thlenga lehkhabu hralhna aṭanga sum hmuh hi LPR 225-a lehkhabu hralhna aṭanga sum hmuh 10,11,733 aiin Rs 278,829-in a tam tawh zawk a, LPR neih tawha lhekhabu hralh ṭhat ber ṭum a ni.

MWA president R Lallianzuala chuana, LPR 226 hluttute chungah an lawm thu a sawi a, "Sikul naupang eng emaw zat exam lai a nih avangin a hlawpa rawn kal a rem loh kum a ni chung pawhin, a kum a tèlin ṭhalai lam LPR hluttu an pung zel hi a nuam tak zet a ni," a ti. Kum 2027 khi MWA golden jubilee a nih angin, LPR buatsaih leh ngei an tum thu a sawi bawk.