Toothpick Making Unit hawng

Commerce & Industries minister F Rodingliana chuan nimin khan Bamboo Development Agency (BDA)-in Bamboo Technology Park, Sairanga Toothpick Making Unit an din thar a hawng.

F Rodingliana chuan, industry tihmasawn turin sorkarin nasa taka hma a lak thu a sawi a, "Industry ṭha dinna turin sorkarin industrial area-te a cheiṭha mek zel. Industry-a tuimite leh hlawhtlin tuma tih tak zeta thawkte tan sorkarin hmunhma a ruahmansak zel dawn a ni," a ti.

BDA project manager Lalzarliana Hrahsel tarlan danin, ha kherna siamna, Toothpick Making Unit project hi sorkarin Mizorama mautak hman ṭangkaina tura National Bamboo Mission aṭanga a ruahman a ni a, a dinna atan cheng nuai 83 hman a ni.