Reserved forest chungchang sawiho

Environment, Forest & Climate Change (EFCC) department hnuaia Special Investigation Team (SIT), Lawngtlai chu nimin khan an chairman Donny Lalruatsanga, bawrhsap kaih-hruaiin an ṭhukhawm a; riverine reserved forest leh reserved forest area te venhim leh enkawl dan tur an rêl.

Ṭhutkhawmah hian Lai Autonomous District Council (LADC) leh Chakma Autonomous District Council (CADC) ten land pass an pek chhuah tawh thliar hran tura tih chu ennawn a ni a; SDO (Sadar), LADC leh CADC-a Revenue Settlement Officer, ACF (LADC), FRO (CADC) leh DCF (Wildlife) aiawhte an tel.

Supreme Court thuchhuakin RRF chhunga land pass awmte sawn chhuah emaw, EFCC department hnena ram âwl/ruak pek (compensate) tura a tih chung-changah, The Mizoram Forest Act 1955-in 6th Schedule a huam leh huam loh zir chian phawt ni se, an ti a; khua sawn chhuah/EFCC department hnena ram pek ngai a awm chuan, LADC leh CADC Revenue department-te'n ram ruak lo zawng lâwk se, an ti bawk.