Inter College Quiz-ah GAC thiam ber

Mizo Students’ Union (MSU)-in UPSC Challenge Inter College Quiz Competition an buatsaih chu September 12, 2026 zan khan zawh a ni a, Aizawl College an thiam ber.

Inter College Quiz Competition hi September 12 zan dar 8 khan Ingnite Studio-ah a hmáwrbâwk niin, minister of state B Lalchhanzova'n a hmanpui. Aizawl College (GAC), Kolasib College leh T Romana College aiawha telte final-ah an intum a, GAC pakhatna an ni.

B Lalchhanzova chuan, Mizote'n thiamna thûk leh ril nei turin zir nasat an mamawh thu a sawi a, "Mizo ṭhalaite leh zirlaite hian lehkha zir tam leh thiam ril hmangin khuavel i chhing ang u, râltiang ram i kai teh ang u," a ti a, zirna uar lehzual turin zirlaite a chah.

Inter College Quiz Competition vawi sarihnaah hian college/institution 12 an tel a; final zanah hian MSU president B Lalkhawngaihzuala pawhin thu a sawi a ni.