Kan sorkar leh hunah fair takin sorkar hna kan la leh ang - MPCC GS

Mizoram Pradesh Congress Committee chuan nimin khan Aizawla Congress Bhavan-ah political session an hmang a; thusawitu C Lalhlimpuia, MPCC general secretary chuan, Congress party-in ṭhalai an ngai pawimawh a, an sorkar leh hunah sorkar hna thawk tur dik taka an lak dawn thu a sawi.

C Lalhlimpuia chuan, Congress party-in ṭhalaite tan khawvel thar siam an intiam angin ruhrel ṭha tak tak an lo din tawh ṭhin thu a sawi a, "Kan sorkar leh hunah chuan fair takin sorkar hna kan la leh ang. Congress chuan ṭhalai kan ngai pawimawh dawn. Ṭhalaite'n engtin nge hna an hmuh theih ang, eng eizawnna nge kan hlui theih ang tia ngaihtuahin ruahmanna kan siam mek a ni," a ti.

Kalphung thar tiamtute ZPM sorkarah ZPM an beidawng hmasa ber nia sawiin MPCC General Secretary chuan, "Politics hi inhuatna tur a ni lo a, ram siamna tur a ni zawk. Congress kan sorkar leh hunah chuan he ramin hma a sawn nan tak tak theihtawp kan chhuah dawn a ni," a ti bawk.