Vahani Scho' dil turin zirlaite sáwm

Vahani Scholarship Trust hotute chuan nimin khan Aizawl Press Club-ah thuthar thehdarhtute an kâwm a; zirlai khawsak harsa, thiam thei site hnenah scholarship an pek thu sawiin, scholarship an ruahman chu dil turin Mizorama pawl 12 zirlaite an sáwm.

Vahani Scholarship Trust hotute sawi danin, scholarship hi pawl 12 zirlai, pawl 10 exam-a 85% hmu chin, chhungkaw sum lak luh kum khata Rs 3,00,000 aia tam lote hnenah pek theih a ni. Dilna hun hawn mek a ni a, online-in www.vahanischlarship.com ah dil tur niin, November 1, 2026 thleng dilna thehluh theih a ni. Dilna thehluhah pawisa chawi ngai a awm lo.

Kum khatah scholarship hmu tur zirlai 80 an thlan ṭhin thu sawiin Vahani Scholarship Trust hotute chuan, "Tunah hian Vahani Scholarship hmu tawh mi 348 an awm. Scholarship hmute chu an zirnaa senso leh hostel fee zawng zawng tumsak an ni a, laptop stipend, zinna senso, internet man leh mimal mamawh hrang hrang tumsak a ni," an ti.

Vahani Scholarship Trust hotute chuan, Vahani Scholarship chu Mizoram aṭangin diltu Mizo zirlai 100 tal awm se an duh thu an sawi bawk.