US Consulate-in chawimawina hlân

US Consulate, Kolkata chuan September 9, Nilaini zan khan Ebenezer Medical Center medical director Dr Vanlalsiama Chhangte hnenah Citizen Liason Volunteer of the Year Award an hlan.

US Consulate-in Dr Vanlalsiama Chhangte chawimawina an hlan chhan chu - US mi Collin Mayfield an enkawl dam vang a ni. Collin Mayfield hi nikum khan Myanmar-ah rahpuah bomp rah puah avangin a hliam a, Mizoramah hruai niin, December 1, 2025 khan Ebenezer Hospital-ah dah luh a ni a; ortho surgeon Dr Lalrinliana Varte-in a zai a, thla khat vel enkawl a nih hnuah dam takin a chhuak a ni.

Award hlanna inkhawm hi Hotel Regency-ah buatsaih niin, US Consulate, Kolkata-a vice consul Warren Newton-a'n certificate leh memento a hlan a; US Consulate hotute chuan, award chu India rama an hlan vawi khatna a nih thu an sawi.