MCAB-in loan nuai 3,630 dilna pawm

Mizoram Cooperative Apex Bank (MCAB) Board of Director chuan nimin khan MCAB Head Office-ah chairman Lalnunsanga kaihhruaiin an hmalaknate an thlir let a; loan cheng nuai 3,630 dilna 149 leh society pariat aṭanga membership share dilna an pawm.

MCAB hotute hian mimal, pawl leh society aṭanga loan chi hrang hrang dilna 149 an pawm a, hemi atan hian loan cheng nuai 3,630 an pe dawn. Loan an pek tur zingah hian biak-in sakna atana loan dilna 74 awmin a tam ber a, cheng nuai 1,789 a tling. Society pariat aṭanga membership share lei dilna an remti bawk.

Tarlan danin, Apex Bank-in deposit an hmuh aṭanga loan an pek chhuah zat (CD ratio) chu 67% a ni mek. Shareholder society 1,121 an awm mek a; branch awm lohnaah ni tina pawisa khawntu pigmy deposit collector 44 leh business correspondent 41 an nei mek a ni.