Smart meter leh electric bill vanga harsatna chinfel hun buatsaih dawn

Power & Electricity department chuan September 7-10, 2026 chhungin Aizawlah electric bill leh smart meter chungchanga harsatna nei tan a bik taka zualko theihna leh harsatna chinfel rûnpui an buatsaih dawn.

PE department chuan thuchhuah siamin, hun hawn chhungin Aizawla bill counter zawng zawngah electric bill leh smart meter vanga harsatna tâwkte buaipuitu tur dah an nih thu an tarlang a, "Officer leh staff ruat bikte hian complaint booth an ṭhut chilh dawn a, electric bill leh smart meter chungchanga harsatna neite'n hmaichhanah complaint thehluh theih a nih dawn bakah, chinfel nghal theihte tifel turin an buaipui ang," an ti.

Harsatna neite chu an biala bill counter ṭheuhah harsatna leh sawisel duh an neihte thehlut a, chhawr ṭangkai ṭheuh turin PE department chuan an chah a; complaint booth hrang hrangte chu PE Secretary leh Engineer-in-Chief ten uluk taka an vil reng dawn thu an tarlang bawk.