Police-in press statement an hnûk kîr

Mizoram Police chuan, December 13, 2025-a Mizoram University campus-a thia hmuh Marina Lalchhanchhuahi (26), Tanhril thih dan an chhui chhuah chungchanga January 27, 2026-a press statement an siam chu hnuh kîr (recall) a nih thu an puang.

Hemi chungchangah hian Mizoram Police-a IGP (Headquarters) H Ramthlengliana chuan nimin khan Office Order a chhuah. Order-ah hian, "WP(C) No. 12/2026 Lalṭanpuii vs The State of Mizoram & 7 Ors. chungchanga Mizoram Police-in Press Statement No. F 14018/1/25-PR/19 dt. 27.01.2026 a lo chhuah tawh chuan Police Manual for Media Briefing-a Chapter 8 clause 8.3 a kalh nia Gauhati High Court Aizawl Bench-in a ngaih avangin High Court duh dan angin Mizoram Police Press Statement lo siam tawh chu recall (koh kir) a ni," a ti.

January 27, 2026-a Mizoram Police press statement-ah hian Marina Lalchhanchhuahi chu RL Peka (62), Tanhril thah a nih thu tarlan a ni. Marina Lalchhanchhuahi tualthihna chhui chhuah chungchanga Police press statement hi Gauhati High Court Aizawl Bench chuan August 31, 2026 khan hnâwlin, order chhuah aṭanga ni sarih chhunga hnuk kîr (withdraw) turin Mizoram Police a hriattir a ni.