Kuminah ILP nei lo leh fel lo mi 934 man chhuah a ni tawh

Kumin 2026 chhungin Mizoramah inner line permit (ILP) nei lo leh nei felfai lo hnam dang 934 man chhuah an ni tawh a; tun dinhmunah dan ang thlapa ILP neia hna thawk hnam dang Mizoramah mi 13,730 an awm.

August 25 & 27, 2026-a Assembly session neiha ZPM member H Ginzalala zawhna ziaka chhangin Home minister K Sapdanga chuan, kumin chhungin ILP nei lo leh nei felfai lo mi 934 man chhuah an nih tawh thu a tarlang a, "ILP tawp hnu thlenga awm chhunzawm man chhuah an nih chuan Bengal Eastern Frontier Regulation (BEFR) Act, 1873 hmangin police station-ah thubuai siamsak ṭhin an ni," a ti.

Home Minister tarlan danin, ILP nei lo leh nei felfai lo hnam dang man chhuah, BEFR Act, 1873 hmanga thubuai siamsakte chu court-ah thawn ṭhin an ni a; court-in pawisa chawitir emaw, an khuaa thawn lêt (pushed back) emaw turin an chungthu a rêl ṭhin.