House-ah F Malsawma sûn

Nimin Assembly session-ah July 4, 2026 a thi minister hlui F Malsawma sunna hun hman a ni a, House member-te chu ngawi rengin minute khat an ding.

Assembly Speaker-in a sawm angin House leader Lalduhoma chuan F Malsawma chanchin leh uina thu a sawi a, chumi hnuah leader of opposition Lalchhandama Ralte chuan uina thu sawi ve lehin, MNF member Dr R Lalthangliana, INC member C Ngunlianchunga, ZPM member Dr Vanlalthlana, BJP member Dr K Beichhua leh ZPM member Vanlalhlana ten uina thu an sawi chhunzawm ve leh a ni.

F Malsawma hi kum 1978 leh 1979 khan PC party ticket-in MLA atan Suangpuilawn bial aṭangin thlantlin a ni a, Cabinet minister a ni ve ve. Kum 1993-ah MNF ticket-in Aizawl North-II ah MLA atan thlan tlin a ni a, eptu lamah a awm a; kum 1998 ah Aizawl North-II aṭang thoin MNF ticket-in thlan tlin leh a ni a, Cabinet minister a ni.