CM-in Civil Hospital, Aizawl Blood bank tan inverter a pe

Chief minister Lalduhoma chuan nimin khan Model Blood Bank, Civil Hospital, Aizawl (CHA) hnenah Hybrid Solar Inverter (with battery) a pe a; solar inverter hi CHA medical superintendent Dr K Rothangpuia, Association for Voluntary Blood Donation (AVBD) president C Lalnunnema leh general secretary Lalrinkima te hnenah a hlan a ni.

Association for Voluntary Blood Donation (AVBD) chuan thuchhuah siamin, blood bank-ah hian thisen vawng ṭha turin englai pawhin kawlphetha a awm a ngai tih an tarlang a, "Civil Hospital, Aizawl Blood Bank hi Mizorama a lian ber a nih angin kawlphetha an mamawhna a sang zual a, chuvang chuan AVBD hruaitute chuan July 27, 2026 khan Chief Minister hnenah Civil Hospital Blood Bank-in power back-up an mamawh thu an thlen a ni. CM hian sorkar sum aṭanga ti loin, amahin a tumsak tur thu a sawi ang takin thla khat pawh a tlin hmain a tipuitling ta ni," an ti a, Chief Minister chungah an lawmthu an tarlang.

Hybrid Solar Inverter hi Rs 5,79,400 man niin, AVBD chuan Model Blood Bank, Civil Hospital Aizawl hnenah a hlan chhawng ve leh nghal a ni.