Supreme Court-in High Court judge atan Helen Dawngliani, MJS a pawm
August 18, Thawhlehnia Supreme Court Collegium ṭhukhawm chuan Gauhati High Court judge atana Helen Dawngliani, Mizoram Judicial Service (MJS) rawtna a pawm.
Helen Dawngliani d/o P Thangchhuaka hi thiamna lamah BA, LLB a ni a, May 24, 2011 khan Bar quota-in Mizoram Judicial Service a zawm a, MJS Grade-I ah dah nghal a ni. Tunah hian Aizawl District Court-ah Additional District & Sessions judge a ni mek.
Kum 1973-a piang Helen Dawngliani hian hna pawimawh tak tak a lo chelh tawh a; chu'ng zingah chuan Lunglei District Court-ah Additional District & Sessions judge, Gauhati High Court registrar, Law & Judicial department secretary, Gauhati High Court Aizawl Bench-ah government advocate-cum-additional public prosecutor te a tel.
Mizo hmeichhia zinga high court-a judge hmasa ber chu Marli Vankung niin, March 3, 2026 khan superannuation pension-in a chhuak a; Helen Dawngliani hi Mizo hmeichhe zinga high court Judge ni thei pahnihna a ni a, Bench quota-in high court judge a ni dawn a ni.