Minister hoin film hmasawn dan tur sawiho

Information & Public Relations, Printing and Stationery (IPRPS) minister B Lalchhanzova hoin nimin khan a pisaah Mizoram Film Development Committee (MFDC) an ṭhukhawm a; Ailawnga film siamna/channa atana Zokhua din chu tihchangtlun zel a ṭul thu sawi a ni.

B Lalchhanzova chuan, film leh a buaipuitute chu a rualkhai ang thei bera MFDC-in an hmasawnna leh film ṭhan zelna tur an ngaihtuah a pawimawh thu sawiin, "Film hmasawnna tur kan sawi hian a buaipuitu te, a mihring thiamna leh an hmasawnna tur pawh ngaihtuah tel a ngai," a ti. Mizoramin film lamah hma a sawn theih nan corporate social responsibility leh thil dangte hman theih a nih leh nih loh zir chiang turin MFDC member-te a chah.

MFDC chairman Betsy Zothanpari Sailo, IPRPS secretary chuan, MFDC chu film hmasawnna ngaihtuah tura sorkarin kum 2025-a a din thu a sawi a, "MFDC-ah hian pawl thawhpui bik emaw awm loin film buaipuitute leh siamtu zawng zawng a huap a ni," a ti.

Ṭhutkhawmah hian Mizorama film lam tihhmasawnna atana hmalak dan tur sawiho a ni a; film hmasawnna atana sum tam zawk dah a pawimawh thu te, MFF leh IPR department-in Ailawnga film siamna leh channa atana Zokhua an din chu tihchangtlun zel a ṭul thute an sawi a ni.