VB-GRAMG chungchang zirho a ni

Lawngtlai DRDO chuan nimin khan DC conference hall-ah 'Sensitization of elected representatives and three tier of Panchayati Raj Institutions VB-GRAMG' an buatsaih a; adviser to chief minister Dr Lorrain Lalpekliana Chinzah, Lawngtlai East bialtu MLA-in a hmanpui.

Dr Lorrain Lalpekliana Chinzah chuan, VB-GRAMG kaltlanga khawtlang hmasawnna tluantling a thlen theihna turte zir chian a, ṭha taka hna thawh a nih theih nan theihtawp chhuah a pawimawh thu a sawi a, "Sorkar laipui scheme-te hi perfomance base-a kalpui ṭhin a ni a, hmalakna a ṭhat chuan hmasawnna tur scheme hmuh zel a ni dawn a, hnathawh a ṭhat loh chuan a tàwp thei," a ti a; hna thawh ṭhat lamah ṭan lak a ṭul thu a sawi.

Zirhonaah hian Lai Autonomous District Council leh Chakma Autonomous District Council hruaitu te, state sorkara department hotu te, Lawngtlai district-a Rural Development block tin chhunga VC member pahnih ṭheuh an tel a ni.