KHAWTHLIR

MPSC-a thawkte dang chhunzawm

Mizo Zirlai Pawl chuan Mizoram Public Service Commission chungchangah phût an neih avangin nimin khan MPSC-a thawkte pisa kai tur an dang leh. MPSC-a thawkte hi MZP chuan August 10, Thawhṭanni khan an dang ṭan a, sorkar thuneitute nen an la inbiak loh avangin vawiinah pawh dan leh an tum a ni.

Ganja man

Assam Rifles leh Mizoram Police ṭang dun chuan August 9, 2026 khan Kàwlbêm huam chhungah ganja kg 18.520 an man a, Rs nuai 10.56 hûa chhût a ni. Ganja phurhna bike khalhtu mipa pakhat an man a, Ngopa Police Station-ah thubuai ziah luh a ni.

Ngaizel kawng khâr rih dawn

Aizawl Traffic SP C Vanlalvena chuan thupek chhuahin, PWD-in Kulikawn Ngaizel pheia khâm an then fai dawn avangin vawiin aṭanga hna thawh zawh hma chu hna thawh chhungin kawngpui khâr a nih dawn thu a tarlang. Ni tin chawhma dar 10 aṭanga tlai dar 5 thleng hna thawh ṭhin a ni ang.

Leivung paihna tur hmun zawng

Serchhip khawpui leivûng paihna tur hmun remchang zawngin nimin khan Serchhip DRDO project director Dr Malsawmtluanga Fanchun hoin survey team an thawk chhuak. Serchhip Bypass Road lei (bridge) bula leivûng paihna hmun chu environment tan a him lo tih hriat a nih avangin leivung paihna tur hmun dang an zawng a ni.

Panch Sammelan

Saitual additional DC Lallawmawma hoin nimin khan DC conference hall-ah ni 125 inhlawhna, VB-GRAMG zirhona, District Panch Sammelan neih a ni a, Saitual district-a VC tin aṭangin member pakhat ṭheuh an tel. Panchayati Raj Institution-te mawhphurhna leh chanvo te, VB-GRAMG-a in ziak lut thei te, programme lo awm sate nena thawhho dan tur te, dik leh langtlang taka hna thawh dante inzirtir a ni.