Summer Internship khârna hun hmang

Young Indians (YI) Mizoram leh Hrangbana College-a Commerce department chuan nimin khan HBC Golden Hall-ah kutkawih eizawnna (entrepreneurship) lama ṭhalaite kaihhruaina atan inkawmhona leh YI Mizoram buatsaih Summer Internship khârna hun an buatsaih.

YI leh HBC Commerce department-ten Summer Internship an buatsaihah hian M.Com. third semester zirlaite an tel a; kutkawih eizawnna, sumdawnna leh thil siam chhuah hralhna dinhmun an zir chiannate zirlaite'n an sawifiah. Zirlai ti ṭhate hnenah lawmpuina thilpek hlan a ni.

Nimina inkawm­honaah hian Zonet TV Pvt. Ltd. director Lalnunpuia, Mark Advertising managing director Robert Lalhmingliana, Lawm from the Hills dintu Lalremtluangi Hmar, Lailen chief operating officer Gospel Ramdinmawia leh Tawlhloh dintu Dr Lalhmangaihsanga Renthlei ten sawihona hun an hmang a; zirlaite aṭanga zawhnate an chháng bawk.