KHAWTHLIR

Thisen pe

August 8, Inrinni khan ṬKP, Aizawl East Pastor Bial member-te chuan ṬKP platinum jubilee pualin Synod Hospital tan thisen unit 71 an pe a; KṬP, Thenzawl Field Veng Pastor Bial pawhin Buangpui Kohhran Hall-ah blood donation camp an huaihawt a, Lunglei Civil Hospital tan thisen unit 49 an pe.

MLA-in hawng

Adviser to CM Lalmuan­puia Punte, MLA chuan August 8, Inrinni khan Beer-Seba Building, Melthumah Diploma in Pharmacy zirna a hawng. MLA chuan, pharmacist thiam tak tak an chhuah belh zel a beisei thu sawiin, duhsakna a hlan a ni.

Meizial man 

 Assam Rifles leh Mizoram Police chuan August 8, Inrinni khan Hlimen huam chhungah ram dang meizial Esse Light dan loa lak luh báwmpui 43 an man a, Rs vbc 1.03 mana chhût a ni. Foreign cigarette kawltu lakah Kulikawn Police Station-ah thubuai ziah luh a ni.