MZP-in MPSC siamṭhat hnatlang an ko

Mizo Zirlai Pawl Gen. Hqrs chuan thuchhuah siamin, Mizoram Public Service Commission (MPSC) siamṭhat hnatlang an koh thu an tarlang a, MPSC siamṭhat duhtute tel turin an sáwm.

MZP chuan, tun hnaia MPSC-in exam hrang hrang a buatsaihah Mizo ṭhalai hna zawngte'n harsatna an tawh ṭhin chungchang exam hmachhawn ṭhinte nen an sawiho hnuah, August 6-7, 2026 hian MPSC siamṭhat hnatlang an ko tih an tarlang a, "Mizo ṭhalai hna zawng mek te, MPSC-a harsatna tâwkte leh MPSC siamṭhat duhtute zawng zawng tel turin kan sáwm," an ti.

An hmalakna hian awmzia a nei lo a nih chuan hna zawng mekte'n an dikna chanvo an hmuh theih nan leh MPSC zahawmna humhim a nih theih nan ke pên zel an tum thu MZP chuan an tarlang bawk.